የኢትዮጵያ ፕሪሚየር ሊግ

የኢትዮጵያ ፕሪሚየር ሊግ በሀገሪቱ ውስጥ ከፍተኛው የስፖርት ክንውን ነው። ይህ ሊግ በየኢትዮጵያ እግር ኳስ ፌዴሬሽን ስር የሚተዳደር ሲሆን በየጊዜው የተለያዩ ስፖንሰሮች ደግፈውታል። ሊጉ በየ አመቱ የሚከናወን ሲሆን በ አመት ውስጥ በሁለት ክፍል (ሲዝን) ተከፍሎ ይካሄዳል። ሊጉን ለማሸነፍ አንድ ክለብ ከፍተኛ ነጥብ ይዞ አመቱን መጨረስ ይጠበቅበታል። ክለቦች እርስ በእርሳቸው በአመት ሁለት ግዜ ይገናኛሉ። እያንዳንዱ ክለብ አንድ ጨዋታ በ ራሱ ሜዳ ሌላውን በባላጋራ ክለብ ሜዳ ያከናውናል።

ታሪክ

የኢትዮጲያ ፕሪሚየር ሊግ የተመሰረተው በ 1994 ዓ.ም. ነው። የሊጉ አርማ ከዚህ በላይ የሚገኘው ነው። ይህ ሊግ በ እ.አ.አ.2009/10 የውድድር ዘመን በ 18 ክለቦች እየተከናወነ ነው። የሊጉ ችግሮች ተብለው ከሚጠቀሱት መካከል አብዘሃኛው ጨዋታዎች በአዲስ አበባ ስታዲየም መካሄዳቸው ነው። ይህን ችግር ለመቅረፍ ይመስላል የቅዱስ ጊዮርጊስ ክለብ የራሱን ስታዲየም በ ዶ/ር ሼህ መሀመድ ሁሴን አሊ አላሙዲ እና በደጋፊው መዋጮ የራሱን ስታዲየም በማስገንባት ላይ ነው። ይህ ሊግ በ እ.አ.አ. 2007 ችግር አጋጥሞት ነበር። ለዚህም ቺግር 12 የ ሊጉ ክለቦች ( ሰባቱን የአዲስ አበባ ክለቦች ጨምሮ ማለት ነው። ) ራሳቸውን አግልለው ነበር። በዚህ ግዜ ፌዴሬሽኑ ዋንጫውን ለ ሃዋሳ ከነማ ክለብ ሰጥቷል። ኢትዮጵያ በ አለም አቀፉ የ እግር ኳስ ማህበር ፊፋ እስከመታገድ የደረሰችበት ግዜ ነበር። ይህ እገዳ ከብዙ አለም አቀፍ ውድድሮች እንድትታገድ ያደረጋት ሲሆን እገዳው በቅርቡ ተነስቶላታል። ሊጉ በአሁኑ ሰአት በቀድሞው አመራሮች መመራቱ ቀርቶ በ አዲስ አመራሮች መመራት ጀምሯል።

ከፍተኛ ግብ አግቢዎች

2007/8 ሳልሃዲን ሰይድ በተጠቀሰው አመት ከፍተኛ ግብ አግቢ ሁኖ ጨረሰ። ያገባቸው ጎሎች ብዛት 21 ነው። ተጫዋቹ የቅዱስ ጊዮርጊስ የእግር ኳስ ክለብ ተጫዋች ነው።

ብዙ ግዜ ማሸነፍ

ሊጉን በተደጋጋሚ በማሸነፍ ደረጃውን የያዙት ክለቦች የሚከተሉት ናቸው፡

• 20 (ሃያ) ግዜ..............................ቅዱስ ጊዮርጊስ የእግር ኳስ ክለብ
• 6 (ስድስት) ግዜ..........................መቻል የእግር ኳስ ክለብ
• 5 (አምስት) ግዜ..........................ጦር የእግር ኳስ ክለብ

አሸንፈዋል።

ጦር የእግር ኳስ ክለብ እ.አ.አ. ከ 1951 እስከ 1954 በተከታታይ 4 (አራት) ግዜ በማሸነፍ ታሪክ ያለው ክለብ ነው። ይህ ክለብ በአሁኑ ግዜ የለም። አሁን ካሉት ክለቦች ደግሞ ቅዱስ ጊዮርጊስ የእግር ኳስ ክለብ እ.አ.አ. ከ 1994 እስከ 1996 በተከታታይ ለ3 (ሶስት) ግዜ ያህል በማሸነፍ ብቸኛው ክለብ ነው። በደጋፊ ብዛትም ቢሆን ብልጫውን እንደሚይዝ ብዙዎች ይናገራሉ።

ድረ ገጽ ያላቸው

በኢትዮጵያ ውስጥ ከሚገኙ ክለቦች የራሳቸው የድረ ገጽ አድራሻ ያላቸው ክለቦች 2 (ሁለት) ብቻ ናቸው። እነርሱም፡ ኢትዮጵያ ቡና የእግር ኳስ ክለብ እና ቅዱስ ጊዮርጊስ የእግር ኳስ ክለብ ናቸው። በይዘቱ የቅዱስ ጊዮርጊስ የእግር ኳስ ክለብ ድህረ ገጽ (http://www.saintgeorgefc.com/) ስለ ክለቡ እና የኢትዮጵያ ፕሪሚየር ሊግ የተሻለ መረጃ እንደሚሰጥ አንድ የኢትዮጵያ ጋዜጣ ዘግቧል። በአንጻሩ የኢትዮጵያ ቡና የእግር ኳስ ክለብ ድህረ ገጽ (http://www.ethiopiancoffeesportclub.com/) በየጊዜው ያሉ መረጃዎችን በማቅረቡ ረገድ ያልተሳካለት መሆኑንም ነው ጋዜጣው የዘገበው።

የሊጉ ተሳታፊ ክለቦች

በሊጉ ውስጥ በ፳፻፫ ዓ.ም. የሚሳተፉ ክለቦች 18 (አስራ ስምንት) ናቸው። እነዚህም፦

• ሐረር ቢራ የእግር ኳስ ክለብ
• መብራት ኃይል የእግር ኳስ ክለብ
• መተሓራ ስኳር የእግር ኳስ ክለብ
• መከላከያ የእግር ኳስ ክለብ
• መድን የእግር ኳስ ክለብ
• ሙገር ሲሚንቶ
• ሜታ አቦ የእግር ኳስ ክለብ
• ሰበታ የእግር ኳስ ክለብ
• ሲዳማ ቡና የእግር ኳስ ክለብ
• ቅዱስ ጊዮርጊስ የእግር ኳስ ቡድን
• ባንኮች የእግር ኳስ ክለብ
• ትራንስ የእግር ኳስ ክለብ
• ኒያላ የእግር ኳስ ክለብ
• አዋሳ ከተማ የእግር ኳስ ክለብ
• አዳማ ከተማ የእግር ኳስ ክለብ
• የኢትዮጵያ ቡና የእግር ኳስ ክለብ
• ደቡብ ፖሊስ የእግር ኳስ ክለብ
• ድሬዳዋ ከነማ የእግር ኳስ ክለብ

ደግሞ ይዩ

• የ፳፻፫ ዓ.ም. የኢትዮጵያ ፕሪሚየር ሊግ