ምወዳትን ተረት እነሆ

ከውክፔዲያ
Jump to navigation Jump to search


በጣም ቀዝቃዛ በሆነ አንድ የክረምት ወቅት አንዲት ወፍ በጎጆዋ ተኝታ ነበር፡፡ ይሁንና ጎጆዋ ውስጥ ሆና ቅዝቃዜውን መቋቋም ስላልቻለች፤የዝናብም ጠፈጠፍ ከቅርንጫፎች ላይ ወደ ጎጆዋ እየሰረገ ስላስቸገራት ከጎጆዋ ወጥታ መብረር ጀመረች፡፡ተቀምጬ ሞቴን ከምጠባበቅ እድሌን ልሞክር ብላ ከጎጆዋ ወጥታ ስትበር ቅዝቃዜውም እየባሰ ዝናቡም እያየለ ሄደ፡፡ ከጥቂት ቆይታም በኋላ ቆፈን ክንፎቿን አላላውስ ብሏት መብረር ስላቃታት ከብቶች ሳር ከሚግጡበት መስክ ላይ ወደቀች፡፡ በመስኩም ላይ ከነበሩ ከብቶች አንዲቱ ላም ባጠገቧ 1 ስታልፍ አዛባዋን ጣለችባት፡፡ የአዛባውም ትኩስነት ለሰውነቷ ሙቀት ሠጣት፡፡ደሟ ሲሞቅ አካሏም ሲፍታታ ይታወቀት ጀመር፡፡ ከሞት ስጋት ተርፋ እንዲህም ህይወት ተስፋ ስለሰጠቻት ደስ ተሰኘች፡፡ ከደስታዋም ብዛት 3በአዛባው እንደተሸፈነች መዘመር ጀመረች፡፡ በአካባቢውም ርቦት ተኝቶ የነበረ የዱር ድመት የወፏን ዝማሬ ተከትሎ ወደ አዛባው ተጠጋ ፡፡ ከአዛባው መሃልም አውጥቶ በላት፡፡ ትምህርት 1----- ክፉ የሚያደርግብህ ሁሉ ጠላትህ አይደለም ትምህርት 2----- ከክፉ ነገር መሃል የሚያወጣህ ሁሉ ወዳጅህ አይደለም ትምህርት 3----- በትክክለኛ ቦታህ ላይ ወይም በአስተማማኝ መጠለያህ ላይ አስካልሆንክ ድረስ ደስታህን ለማክበር አትቸኩል