ሲኒማ አምፒር

ሲኒማ አምፒር በአዲስ አበባ ከተማ፣ በታሪካዊው ፒያሳ አካባቢ የሚገኝ አንጋፋ እና እጅግ ታዋቂ ከሆኑ የፊልም ማሳያ (ሲኒማ ቤቶች) አንዱ ነው። ይህ ሲኒማ ቤት ለበርካታ አስርት ዓመታት የከተማዋ ነዋሪዎች ዋነኛ የመዝናኛ እና የኪነ-ጥበብ ማዕከል ሆኖ አገልግሏል።

ሲኒማው በሁለት ወለል 805 መቀመጫዎችና አንድ ማሳያ ነበረው።

ሲኒማ ቤቱ የውጭ ሀገር (በተለይም የሆሊውድ) ፊልሞችን በማሳየት የኢትዮጵያውያንን የፊልም ዕይታ አድማስ በማስፋት ትልቅ ሚና ተጫውቷል። በኋላም የሀገር ውስጥ የአማርኛ ፊልሞች ሲሰሩ ፊልሞቹ በስፋት ከሚመረቁባቸው እና ከሚታዩባቸው መድረኮች አንዱ ሆኗል። ለብዙ የአዲስ አበባ ነዋሪዎች ሲኒማ አምፒር ከፊልም ማሳያነት ባለፈ፤ ከጓደኛ፣ ከቤተሰብ እና ከፍቅረኛ ጋር የተሳለፉ የማይረሱ የልጅነት እና የወጣትነት ጊዜያት ትዝታ ማዕከል ነው።

ሲኒማ አምፒር ከተከፈተ 87 አመታት ያስቆጠረ ታሪካዊ ሲኒማ የነበረ ቢሆንም በ2018 ዓ.ም በወቅቱ አስተዳደር እንዲፈርስ ተደርጓል።