ብሩ ኬርስሞ

ከውክፔዲያ
Jump to navigation Jump to search


አቶ ብሩ ኬርስሞ ከወጣትነታቸው ጀምሮ ትምህርት እንዲስፋፋ ከፍተኛ ጥረት ያደረጉ አባት ነበሩ።

የእምድብር አንደኛ ደረጃ ትምህርት ቤት በካቶሊክ ቤተክስቲያን አማካይነት ሲቋቋም አቶ ብሩ ኬርስሞ የትምህርት ቤት የጠቅላላ ጉዳዮች ሁሉ ኃላፊ በመሆን ከአባ ፍራንሷ ማርቆስ ጋር በመሆን የላቀ አስተዋጽዎ አበርክተዋል።

ቀድሞ የቀዳማዊ ኃይለሥላሴ አንደኛ ደረጃ ት/ቤት ይባል የነበረው የእምድብር አንደኛ ደረጃ ትምህርት ቤት ሲቋቋም በቤት ቤት በመሄድ ወላጆች ልጆቻቸውን ወደ ትምህርት ቤት እንዲልኩ አድርገዋል። እስከዛሬ ድረስም ትምህርት ቤቱን በማስዋብ ላይ ያሉትን የግራር ዛፎችን የተከሉትን እሳቸው ናቸው። አቶ ብሩ ኬርስሞ ለእምድብር አንደኛ ደረጃ ትምህት ቤት ዘበኛ፣ አትክልተኛ፣ ፓስተኛ፣ እቃ ገዢ እና መፃፍት አዳይ ነበሩ። እነዚህ ሁሉ ሥራዎች ደራርበው ቢሠሩም ሲከፈላቸው የነበረው ግን የአንድ አትክልተኛ ደመወዝ ብቻ ነበር።

እምድብር ውስጥ የሁለተኛ ደረጃ ት/ቤት ሲከፈት አቶ ብሩ ኬርስሞ ከአንደኛ ደረጃ ወደ ሁለተኛ ደረጃ ተዘዋወሩ። የተማሪዎች ትግል በተጋጋለባቸው ዓመታት ተማሪዎች በትምህርታቸው ሲባረሩ በብዙ መቶዎች ለሚቆጠሩ ተማሪዎች “አባት ነኝ” በማለት ዋስ ሆነው ትምህርታቸውን እንዲቀጥሉ ማድረጋቸው ብዙዎች ይመሰክሩላቸዋል።