ተረት ወ
- ወልዶ አይስም ዘርቶ አይቅም
- ወረቱን የተቀማ ነጋዴ ዋግ የመታው ስንዴ
- ወሬኛ ሚስት ዘርዛራ ወንፊት
- ወራጅ ውሀ አይውሰድህ ሟች ሽማግሌ አይርገምህ
- ወሬ ቢነግሩህ መላ ጨምር
- ወሬ ቢያበዙት ባህያ አይጫንም
- ወርቅ የያዘ ቀበዝባዛ እህል የያዘ ፈዛዛ
- ወርቅ የጫነች አህያ ስትገባ የማይፈርስ ግርግዳ የለም
- ወስፌ ቢለግም ቅቤ አይወጋም
- ወንዝ ለወንዝ መቀደስ ያረፈ ሰይጣን መቀስቀስ
- ወንዝ ለወንዝ ሩዋጭ የሰው በግ አራጅ
- ወንድ ልጅ ተወልዶ ካልሆነ እንዳባቱ ስጡት አመልማሎ ይፍተል እንደናቱ
- ወንድ ልጅ እና ቢላዋ ጮማ ይወዳሉ
- ወንድ ሊበላ የሴት ሌባ
- ወንድ ልጅ በተሾመበት ሴት ልጅ ባገባበት
- ወንድ ልጅ ለፈረስ ሴት ልጅ ለበርኖስ
- ወንድ ልጅ አንድ ቀን እንደ አባቱ አንድ ቀን እንደ እናቱ
- ወንድ ባለ በእለት ሴት ባለች በዓመት
- ወንድ እንደያዙት ነው
- ወንድ ከዋለበት ከብት ከተስማራበት
- ወዛም ገማ ቢለው የነጭ ወሬ ነው አለው
- ወይ አበዳሪ ወይ ተበዳሪ ይሞታል
- ወይ አታምር ወይ አታፍር
- ወይዘሪትነት ያንድ ቀን ርቀት
- ወይ ዘንድሮ ! አለች ቀበሮ
- ወይኖ አረሰው ወይኖ ጎረሰው
- ወደሽ ከተደፋሽ ቢረግጡሽ አይክፋሽ
- ወደሽ ነው ቆማጢት ንጉስ ትመርቂ
- ወደቀ ሲሉ ተሰበረ ነው
- ወደው የዋጡት ቅልጥም ከብርንዶ ይጥም
- ወዳጅ ይመጣል ከራያ ጠላት ይወጣል ከጉያ
- ወገኛ ቀበሌ ወረዳ (ከፍተኛ) መሆን ያምራታል
- ወግ ነው ሲዳሩ ማልቀስ
- ወጠጤ ለወጠጤ ቢማከሩ እንዳይታረዱ
- ወጡ ሳይወጠወጥ ወስከምቢያው ቂጥጥ
- ወጣ ወጣና እንደ ሸንበቆ ተገነደሰ እንደ ሙቀጫ
- ወጥን ማን ያውቃል ቢሉ ቀላዋጭ
- ወጥን የሚጨርስ መጎራረስ ሴትን የሚያስመታት መመላለስ
- ወጪ ያዘዘባት ጥቁር ሴት አንገቷን ትነቀሳለች
- ወጭትና ሴት ሲከናነቡ ይሻላል
- ወፍ እንዳገርዋ ትጮሀለች
- ወፍጮና ሴት መቼም አይሞላለት
- ዋቢ ያለው ያመልጣል ዋቢ የሌለው ይሰምጣል
- ውሀ ለሚወስደው ሰው በትርህን እንጂ እጅህን አትስጠው
- ውሀ ለቀደመ ግዳይ ለፈለመ
- ውሀ ለወሰደው ካሳ አይከፍልም
- ውሀ ለወሰደው ፍለጋ የለውም
- ውሀ ሊያንስ ሲል ይገማል ሰው ሊያንስ ሲል ይኮራል
- ውሀ ላነቀው ባለቤቱ ላላወቀው መድሀኒት የለውም
- ውሀ ልትቀዳ ሄዳ እንስራዋን ረስታ መጣች
- ውሀ መልሶ ውሀ ቀልሶ
- ውሀ መመለስ ወደ ሌላ ማፍሰስ
- ውሀ ምን ያስጮኸዋል ድንጋይ
- ውሀ ምን ያገሳ ድሀ ምን ያወሳ
- ውሀ ሲወስድ እያሳሳቀ ነው
- ውሀ ሲደርቅ ይሸታል ሰው ሲከዳ ይወሸክታል
- ውሀ ሲጎድል ተሻገር ዳኛ ሲገኝ ተናገር
- ውሀ በለዘብታ ድንጋይ ይፈነቅላል
- ውሀ በብልሀት ይቆላል በእሳት
- ውሀ በእሳት ሰስ በዳገት
- ውሀ ቢወቅጡት መልሶ እንቦጭ ነው
- ውሀ ቢወቅጡት እንቦጭ
- ውሀ ቢደርቅ አሳ ያልቅ
- ውሀ ቢጠቅምህም ማእበሉን አትመኝ
- ውሀና ገደል እያሳሳቀ ይወስዳል
- ውሀና ጠጅ እኩል ይጠጣሉ
- ውሀን መመለስ ወደ ሌላ ማፍሰስ
- ውሀን ምን ያስጮኸዋል ድንጋይ
- ውሀ አያንቅ ነገር አያልቅ
- ውሀ እድፍን ያጠራል ትምህርት ልብን ያጠራል
- ውሀ ከነቁ አባባ ከአጽቁ
- ውሀ የሚወስደው ሰው አረፋ ይጨብጣል
- ውሀ የጥቅምት ነበርሽ ታዲያ ማን ይጠጣሽ
- ውሀ ጭስ ክፉ ሴት ሰውን ያበራሉ ከቤት
- ውሀ ጭስና ክፉ ሴት ሰውን ያባርራሉ ከቤት
- ውሀውም እንዳይደርቅ አሳውም እንዳያልቅ
- ውሀውም እንዳይደርቅ አሳውም እንዳያልቅ አድርጎ ነው እርቅ
- ውል አያወላውል ምላት አያሻግር
- ውል ያዋውላል ታንኳ ያሻግራል
- ውል ያዋውላል ታንኳ ያሻግራል አቧራ ያስላል
- ውስጥ ውስጡን ድመትም አውሬ ነች
- ውሻ ምን አገባት እርሻ
- ውሻ በሰፈሩ ጅብ ነው
- ውሻ በቀደደው ድመት ተከተለች
- ውሻ በቀደደው ጅብ ይገባል
- ውሻ በበላበት ይጮሀል
- ውሻን በርግጫ ማለት እንካ ስጋ ማለት
- ውሻ የጌታውን ጌታ አያውቅም
- ውሽማዋን ብታይ ባልዋን ጠላች
- ውጣ ያለው ብር ግርግዳ ሲፍቅ ያድራል
- ውጣ ያለው ገንዘብ ግርግዳ ሲቧጥጥ ያድራል
- ውጣ ያለው ገንዘብ ግርግዳ ሲጭር ያድራል ]]]]