አጃክስ (ፕሮግራም)

Asynchronous JavaScript እና XML

ለመጀመሪያ ጊዜ የቀረበው - መጋቢት ፩፱፱፩

የፋይል ስም ቅጥያ - .js

የፋይል ቅርጽ - JavaScript

መነሻ ሃሳብ - ከJavaScript እና XML

አጃክስ (እንዲሁም AJAX /አጃክስ/ ፤ አጭር ለ “ Asynchronous JavaScript እና XML ” ወይም “ Asynchronous JavaScript transfer ( x -fer)” ) የድረ-ገጽ መገንቢያ ስልቶች ቅንጅት ሲሆን የተለያዩ የድረ-ገፅ ቴክኖሎጂዎችን በመጠቀም በተመሳሳይ ጊዜ የማይዋቀሩ (ኤሲንክሮነስ) የድረ-ገጽ መተግበሪያዎችን (ዌብ አፕሊኬሽኖችን) የሚያቀናጅ ነው። በአጃክስ፣ ዌብ አፕሊኬሽኖች ጥቅም ላይ እየዋለ ያለውን ነባሩን ገጽ እና ባህሪውን ሳያዛቡ ከበስተጀርባ ዳታን ከሰርቨር መላክ እና መቀበል ያስችላሉ ። የዳታ መለዋወጫ እና የአቀራረብ እርከኖችን በመለየት፣ አጃክስ ድረ-ገጾችን እና፣ በተዘዋዋሪ፣ የድር መተግበሪያዎች፣ አጠቃላይ ገጹን እንደገና መጫን ሳያስፈልግ ይዘታቸውን እንዲቀይሩ ያስችላቸዋል። በተግባር፣ ዘመናዊ ትግበራዎች ከXML ይልቅ JSONን ይጠቀማሉ።

አጃክስ ቴክኖሎጂ ሳይሆን የፕሮግራሚንግ ጽንሰ-ሀሳብ ነው። HTML እና CSSን በማጣመር መረጃን ቅርጽ የማስያዝ እና የማስዋብ ስራን መስራት ይቻላል። ድረ-ገጽን JavaScript በመጠቀም ማስተካከል እንዲሁም በቅልጥፍና ማሳየት የሚቻል ሲሆን ይህም ደግሞ ተጠቃሚው ከአዲሱ መረጃ ጋር መስተጋብር እንዲፈጥር ያስችለዋል። በሲስተሙ ውስጥ በነባር የሚገኘው XMLHttpRequest አጃክስን በድረ-ገጾች ላይ ለማስፈጸም ይጠቅማል፣ ይህም ድረ-ገጾች ገጹን ሳያድሱ ይዘትን ወደ ስክሪኑ እንዲያሳልፉ ያስችላቸዋል። አጃክስ አዲስ ቴክኖሎጂ አይደለም ወይም አዲስ ቋንቋም አይደለም። ይልቁንም በአዲስ መንገድ ጥቅም ላይ የሚውል ነባር ቴክኖሎጂ ነው።

አጃክስ የሚለው ቃል አሁን አሁን ከበስተጀርባ ካለው ሰርቨር ጋር የሚገናኙ እና የገጹ ሁኔታ ውስጥ ጣልቃ የማይገቡ የድረ-ገጽ አፕሊኬሽኖችን ለመተግበር የሚያገለግሉ ሰፊ የዌብ ቴክኖሎጂዎች መዋቅርን ይወክላል። ጄሲ ጀምስ ጋሬት አጃክስ የሚለውን ቃል ባወጣው መጣጥፍ ውስጥ የሚከተሉት ቴክኖሎጂዎች እንደተካተቱ ገልጿል።

• HTML (ውይም XHTML) እና CSS ለአቀራረብ
• Document Object Model (DOM) ለተለዋዋጭ ማሳያ እና ከዳታ ጋር ለመስተጋብር
• JSON ውይም XML ለዳታ ልውውጥ፣ እና XSLT ለXML ማስትካከያ
• XMLHttpRequest ለኤሲንክሮነስ ንግግር
• JavaScript እነዚህን ቴክኖሎጂዎች አንድ ላይ ለማምጣት