አባል:Elfalem/mali
የማሊ ሪፐብሊክ በምዕራብ አፍሪካ የምትገኝ ወደብ የለሽ ሀገር ናት። ከምዕራብ አፍሪካ ሀገሮች በስፋት ሁለተኛ ናት። ከአልጄሪያ፣ ኒጀር፣ ቡርኪና ፋሶ፣ አይቮሪ ኮስት፣ ጊኒያ፣ ሴኔጋል እና ሞሪታንያ ጋር ድንበር ትዋሰናለች።
ማሊ በ1880 እ.ኤ.አ. በፈረንሣይ ቅኝ ተገዝታ ፍሬንች ሱዳን ወይም የሱዳን ሪፐብሊክ ትባል ነበር። በ1959 እ.ኤ.አ. ማሊና ሴኔጋል አንድላይ የማሊ ፌደሬሽን ሆነው በጁን 20,1960 እ.ኤ.አ. ከፈርንሣይ ነጻነት አገኙ።
በ1992 እ.ኤ.አ. አልፋ ኦማር ኮናሬ የማሊን የመጀመሪያ ዲሞክራሲያዊ የብዙ ፓርቲ ምርጫ አሸነፈ። ኮናሬ በ1997 እንደገና ተመረጠ። በ2002 እ.ኤ.አ. አማዱ ቱማኒ ቱሬ የማሊ ፕሬዝዳንት ሆነ።
የማሊ ፓርላማ 147 ሰዎች ሲኖረው እነዚህ ተወካዮች በህዝብ ብዛት ነው የሚመረጡት።
ማሊ በ9 ክፍለ-ሀገራት ተከፍላለች።
- ባማኮ(ዋና ክፍለ-ሀገር)
- ጋዎ
- ካዬስ
- ኪዳል
- ኩሊኮሮ
- ሞፕቲ
- ሴጉ
- ሲካሶ
- ቶምቦክቱ
ማሊ ከባሕር ጋር ግንኙነት የላትም። የሀገሩ አብዛኛው ክፍል በሰሐራ በርሃ ውስጥ ይገኛል። ከተፈጥሮ ሀብቶች ውስጥ ወርቅ፣ ዩራኒየም፣ ፎስፌት፣ ካዎሊን፣ ጨው፣ ላይምስቶን ይጠቀሳሉ።
የሕዝቡ 80 በመቶ በአርሻ እና ዓሳ ማጥመድ ነው የተሰማራው። ጥጥ ዋናው የማሊ ኤክስፖርት ነው።