ሥርዓት

ከውክፔዲያ
ዘልለው ለመሔድ፦ የማውጫ ቁልፎችፍለጋ

ሥርዓት አንዱ የሌላ ጥገኛ የሆኑ ነገሮች ተሰብስበው የሚፈጥሩት ጥ ወይንም ምሉዕ ነገር ማለት ነው። አንድ ሥርዓት የቁስ አካላት ወይንም የሐሳብ/ሐሳቦች ወይንም የሁለቱም ስብስብ ሊሆን ይችላል።

ለምሳሌ አንድ ሰው በውስጡ ብዙ ሥርዓትን ይይዛል። ልብ፣ ሳምባ፣ እና የደም ቧምቧዎች ተደጋግፈው የአንድን ሰው የደም ሥርዓት ይፈጥራሉ። ጥርስ፣ ምላስ፣ ጨጓራ ...ወዘተ...እነዚህ ተደጋግፈው የምግብ ሥርዓትን ይፈጥራሉ። እያንዳንዱ ሥር ዓት በተራው አነሥተኛ ሥርዓቶችን ይይዛል። ልብ ከተለያዩ የደም ቧምቧዎች፣ ከስብ፣ ከጡንቻና ከኤሌክትሪክ የተሰራች ሥርዓት ናት። ከዚህ በታችም ቢዎረድ የበለጡ አነስተኛ ሥርዓቶች ይገኛሉ። ወደ ላይ ሲዎጣ፣ አንድ ሰው በራሱ የብዙ ሥርዓቶች ስብስብ የሆነ ሥርዓት ነው። ሁለትና ሶስት ሰዎች አንድ ላይ ሁነው የቤተሰብ ሥርዓት የፈጥራሉ። እንደዚህ እያለ ይሄድና እስከ ሃገርና ከዚያ በላይ የሆነ ሥር ዓት ይገኛል።.

ከሐሳብ አንጻር፣ ለምሳሌ ጂዎሜትሪእሙኖች እና እርጉጦች ስብስብ የሆነ የሒሳብ ሥርዓት ነው። ካልኩለስ እንዲሁ እራሱን የቻለ ሌላ የሒሳብ ሥር ዓት ነው።

የሐሳብና የቁስ ድብልቅ የሆነ ሥርዓት ቢባል ኮምፒዩተር እንደ ምሳሌ ሊዎሰድ ይችላል።

ነገሮችን በሥርዓት መረዳት እጅግ ጠቃሚ ከመሆኑ የተነሳ፣ በአሁኑ ዘመን ሥርዓቶች፣ በሒሳብ፣ በሳይንስ እንዲሁም በኢንጂነሪንግ በጥልቅ ይጠናሉ። መገልገያ ቁሶች ሲተለሙ፣ እንዲሁ ሥርዓት ባለው መንገድ መሆኑ ከፍተኛ ጥቅም አስገኝቷል። ለምሳሌ፣ መኪኖች ሲተለሙ፣ ሁሉም የመኪና አካላት በአንድ ጊዜ እና በአንድ ቡድን አይካሄድም። ይልቁኑ፣ አንድ ቡድን የመኪናውን የነዳጅ ሥርዓት ሲቀይስ፣ ሌላ፣ ስለ ነዳጅ እምብዛም የማያውቅ ቡድን ደግሞ የመኪናውን የኤሌክትሪክ ሥርዓት ዕቅድ ያዎጣል። ስለ ኤሌክትሪክም ሆነ ስለ ነዳጅ ምንም እውቀት የማያስፈልገው ሌላ ቡድን ደግሞ የመኪናውን የውጭ ክፍል ይዘይዳል። የመኪና ፍሬን ሥርዓት እራሱን በቻለ ቡድን ይተለማል። እነዚህ የተለያዩ ሥርዓቶች እንዲናበቡ ሲደረጉና አንድ ላይ ሲሰሩ፣ መኪና የተባለ ሥርዓትን ይፈጥራሉ። የዘመናዊ ሕንጻዎች አገነባብ፣ የ ዕጅ ስልኮች ወዘተ ... የሚመረቱትም በ እንደዚህ መልኩ ነው።