ጉብር ትንታኔ

የኪርኮፍ ጅረት ህግ ለጉብር ትንታኔ መሰረት ነው።

ሊኒያር መረብ ትንታኔ
አባላት
አካላት
ቅጥልና ትይዩ ዑደቶች
ተመጣጣኝ ኢምፔዳንስ
ተመጣጣኝ እርግጦች	የኤሌክትሪክ መረብ እርግጦች
መረብ መተንተኛ ዘዴዎች
ሁለት ጫፍ መረብ ትንታኔ

ጉብር ትንታኔ የኤሌክትሪክ ዑደትን ለመተንተን እና በእያንዳንዱ የኤሌክትሪክ ጉብር (መጋጠሚያ ነጥብ) ላይ ያለን የኤሌክትሪክ እምቅ አቅምን ለማስላት የሚረዳ የሥነ ኤሌክትሪክ መሰረታዊ መሳሪያ ነው። በሌላ አነጋገር፣ ጉብር ትንታኔ የአንድ ኤሌክትሪክ ዑደት ቅርንጫፍ ጅረትንና ቅርንጫፍ ቮልቴጅ በመጠቀም የዚያን ነጥብ ቮልቴጅ ከአንድ በነሲብ የተመረጠ ጉብር አንጻር የምናሰላበት ዋና መሳሪያ ነው።

የጉብር ትንታኔ ደረጃ በደረጃ

1. የኤሌክትሪክ ዑደቱ ሽቦዎች እሚጋጠሙባቸውን ነጥቦች በሙሉ ንቅሰህ አውጣ። እኒህ መጋጠሚያዎች ጉብር (ኖድ) ይባላሉ።

2. ከነዚህ ጉብሮች አንዱን በነሲብ መርጠህ ዋቢ ጉብር (ማነጻጸሪያ ጉብር) አድርግ።

የዋቢ ጉብሩ ማናቸውም ነጥቦች ሊሆን ይችላል። ለመስሉ ለውጥ አያመጣም። ሆኖም ብዙ ሽቦዎች እና የኤሌክትሪክ ዕቃዎች የተገናኙትን ጉብር መምረጥ ትንታኔውን ያቃልላል።

3. ቮልቴጃቸው የማይታዎቁቱን ሁሉን ጉብሮች ስም ስጥ። ቮልቴጁ እሚታዎቀውን ጉብር መሰየም አስፈላጊ አይደለም።

4. ለእያንዳንዱ የማይታዎቅ የጉብር ቮልቴጅ ፣ የኪርኮፍ ጅረት ህግን በመጠቀም የጅረት ፍሰቱን እኩልዮሽ ጻፍ።

በሌላ አነጋገር፣ ከየጉብሩ የሚዎጡት ሁላቸውም ጅረቶች ሲደመሩ ዜሮ ይሆናሉ።

በሁለት ጉብሮች መካከል የሚፈሰው ጅረት እሚሰላው "ከአለንበትን ጉብር ቮልቴጅ ላይ የሌላውን ጉብር ቮልቴጅ በመቀነስ፣ ውጤቱን በመካከል ለሚገኘው ተቃዋሚ በማካፈል የሚገኝ ነው።

5. በሁለት ቮልቴጃቸው የማይታወቁ ጉብሮች መካከል የቮልቴጅ ምንጭ ካለ፣ ሁለቱን ጉብሮች አንድ ላይ በመጭመቅ ሱፐር ጉብር ፍጠር። የሁለቱ ጉብሮች ጅረት በአንድ እኩልዮሽ ይጠቃለልና አዲስ የቮልቴጅ እኩልዮሽ ይጻፋል።

6. ከኒህ ደረጃዎች በኋላ የሚፈጠረውን የሳይመልታኒየስ እኩልዮሽ ስርዓት፣ በሒሳብ ፈተህ፣ የጉብሮቹን ቮልቴጅ አግኝ።

ምሳሌ

አንድ ያልተወቀ ቮልቴጅ, V₁.

በዚህ ዑደት ያልታወቀው ቮልቴጅ V₁ ብቻ ነው። በዚህ ዑደት ሦሥት ግንኙነቶች ሲኖሩ፣ ሦስት ጅረቶች ላይ ትኩረት ማድረግ አስፈላጊ ነው። የነዚህ ጅረቶች አቅጣጫ ከጉብሩ ወጥተው እንደሚፈሱ ተደርጎ ይወሰዳል። ከዚህ በመነሳት

1. በተቃዋሚ R₁ የሚፈሰው ጅረት እንዲህ ይሰላል: (V₁ - V_S) / R₁
2. በተቃዋሚ R₂ የሚፈሰው ጅረት እንዲህ ይሰላል: V₁ / R₂
3. በጅረት ምንጭ I_S ውስጥ የሚፈሰው ጅረት ደግሞ: -I_S ነው

የኪርኮፍ ጅረት ህግን በተጠቀሰው ጉብር ላይ ስንተገብር:

${\frac {V_{1}-V_{S}}{R_{1}}}+{\frac {V_{1}}{R_{2}}}-I_{S}=0$

ይህን እኩልዮች ከ V₁ አንጻር ስንፈታ:

$V_{1}={\frac {\left({\frac {V_{S}}{R1}}+I_{S}\right)}{\left({\frac {1}{R_{1}}}+{\frac {1}{R_{2}}}\right)}}$

ለተጠቀሱት ተለዋዋጮች የተሰጡትን የቁጥር ዋጋዎች ከላይ ባገኘነው እኩልዮሽ ስንተካ ውጤቱ እንዲህ ይሆናል

$V_{1}={\frac {\left({\frac {5{\text{ V}}}{100\,\Omega }}+20{\text{ mA}}\right)}{\left({\frac {1}{100\,\Omega }}+{\frac {1}{200\,\Omega }}\right)}}\approx 4.667{\text{ V}}$