ከአትክልት ጋር የሚሠራ ገንፎ
ከአትክልት ጋር የሚሠራ ገንፎ በኢትዮጵያ አበሳሰል አለ። ከ6 ወር እስከ 9 ወር ዕድሜ ላለው ሕጻን ይስማማል።
- 4 የሾርባ ማንኪያ ዱቄት (የበቆሎ፣ የስንዴ፣ የማሽላ፣ የገብስ፣ የዳጉሳ)
- 1 መካከለኛ ድንች
- ግማሽ ኩባያ ጎመን ወይም ስፒናች ረቆስጣሪ
- 2 ኩባያ ውሃ
- 1 የሾርባ ማንኪያ የዱቄት ወተት
- ግማሽ ኩባያ የተቀቀለ ባቄላ ወይም አተር፣ ሽምብራ፣ አደንጓሬ፣ ቦሎቄ
- ጎመን ወይም ረቆስጣሪ ማጠብ፣
- ከድንቹ ጋር ደባልቆ ማብሰል፣
- ድንቹንና አትክልቱን መፍጨት፣
- የተቀቀለውን ባቄላ መፍጨትና ከድንቹና ከአትክልቱ ጋር መቀላቀል፣
- ዱቄቱን ከወተት ጋር ካገነፉ በኋላ፣ ከአትክልቱ ጋር ቀላቅሎ ማማሰል፣
- ቀዝቀዝ ሲል በማንኪያ መመገብ፡፡
ማሳሰቢያ፣ ከአንድ ዓመት በታች የሆኑ ሕጻናት ምግብ ውስጥ ጨውም ሆነ ማንኛውንም ቅመማ ቅመም መጨመር አያስፈልግም፡፡ ምክንያቱም በጣም ያልዳበረው የሕጻኑ ኩላሊት ከባድ በሆነ የማጣራት ሥራ ስለሚጠመድ ነው፡፡ ቅመሞችም ለጨጓራ ስለሚከብዱ መጨመሩ አይደገፍም፡፡